Korsetin Faydası və Ziyanı Varmı?

Korset sözünü eşidəndə insanların ağlına  gələn ilk şey çox vaxt “qarın yığan korset” olur. Halbuki müasir tibb korseti tamamilə fərqli baxımdan dəyərləndirir. Düzgün seçilmiş korset doğuşdan sonrakı bərpa prosesini sürətləndirir, əməliyyatlar sonrası ağrını azaldır, bel ağrılarını yüngülləşdirir və duruşu tarazlayır. Gəlin əvvəlcə korsetin nə olduğuna nəzər yetirək:

Korset Nədir?

Korset gövdəni dəstəkləmək, müəyyən nahiyələri sıxmaq və əzələləri qorumaq üçün geyilən geyimdir. Tarixən moda elementi kimi tanınsa da, bu gün korsetlərin böyük əksəriyyəti tibbi və müalicəvi məqsədlərlə istehsal olunur.

Bu məqalədə sizə moda yönümlü və şəkilləndirici korsetlərdən danışacağıq. Bədən şəkilləndirici korsetlər funksiyasına görə çoxsaylı kateqoriyalara bölünür. Hər birinin öz təyinatı, geyilmə müddəti və faydası var. Vacib olan, sizə uyğun olan növü doğru seçməkdir.

Korsetin Əsas Faydaları

Travmatoloq-ortoped Müseyib Əhmədovun da bildirdiyi kimi, korsetlər müalicə üçün olduqca əlverişli və faydalı vasitədir. Konkret faydaları sıralayaq:

1. Bel və Onurğa Dəstəyi

Bel ağrıları, osteoxondroz, fəqərə yırtığı və radikulit zamanı korset bel nahiyəsinə düşən yükü azaldır. Bu sayədə əzələ gərginliyi yumşalır, ağrı sönür və zədələnmiş nahiyə bərpa olunmaq üçün şərait əldə edir.

2. Doğuşdan Sonrakı Bərpanı Sürətləndirir

Yeni ana olmuş qadınlarda qarın əzələləri doğuş zamanı genişlənir və zəifləyir. Postnatal korset qarnın yığılması, dərinin sallanmaması və belin əvvəlki formasına qayıtması üçün dəstək rolunu oynayır. Bu, həm normal doğuş, həm də qeysəriyyə əməliyyatından sonra fayda verir.

3. Cərrahi Əməliyyatdan Sonrakı Qoruyucu Funksiya

Qarın boşluğu, bel və onurğa əməliyyatlarından sonra geyilən postoperativ korset tikiş nahiyəsini xarici zərbələrdən qoruyur, hərəkəti rahatlaşdırır və bərpa prosesini sürətləndirir. Həkimlər bu korsetlərin müəyyən bir müddətə geyilməsini müntəzəm tövsiyə edir.

4. Duruşu Düzəldir və Əyilməni Qarşısını Alır

Stolüstü iş, telefon və kompüter qarşısında uzun saatlar oturmaq müasir insanın duruşunu pozur. Duruş düzəldən korsetlər çiyinləri arxaya çəkərək onurğanı təbii vəziyyətdə saxlamağa kömək edir. Yorğunluq və bel ağrıları zamanla azalır.

5. Bel Xəttini Forma Verir

Toy, ziyafət və xüsusi tədbirlərdə geyilən korsetlər bel xəttini görkəmli edir, geyimi daha gözəl oturdur və qadına özünə inam hissi qazandırır. Burada əsas məqam korsetin yalnız tədbir müddətində geyilməsi və sıxlığın həddi aşmamasıdır.

6. İdmançılar üçün Bel Qoruması

Ağır çəki qaldıran və ya yüksək yüklü idmanla məşğul olan insanlar üçün bel kəməri “qrija” adlanan fəqərə yırtığının yaranma riskini azaldır.

Korset Növləri və Hansı Hal üçün Uyğundur?

İndi isə Corsetim çeşidində olan əsas korset kateqoriyalarına və hansı problem üçün hansının uyğun olduğuna baxaq.

Lateks Korsetlər (Doğuşdan Sonra)

Kimə uyğundur: Yeni ana olmuş qadınlara

Faydası: Qarın əzələlərinin bərpasına kömək edir, dərinin sallanmasının qarşısını alır, belin əvvəlki formasını qayıtmasını sürətləndirir, doğuşdan sonra meydana çıxan bel ağrılarını azaldır.

Nə vaxt geyilməyə başlamaq olar: Normal doğuşda təxminən 1-2 həftə sonra, qeysəriyyə əməliyyatından sonra isə tikişlər götürüldükdən 1 ay sonra. Mütləq həkim icazəsi ilə.

Sümüklü Korsetlər (Əməliyyat Sonrası)

Kimə uyğundur: Qarın boşluğu, bel, onurğa və ya digər nahiyələrdə əməliyyat keçirmiş xəstələrə

Faydası: Bədənə daha bərk təyziq göstərir, hərəkət zamanı ağrını azaldır, qarın daxili təzyiqini balanslı saxlayır, sağalma prosesini sürətləndirir.

Vacib qeyd: Bu kateqoriyada korsetin ölçüsü və materialı kritik əhəmiyyət daşıyır. Səhv ölçü tikişə təzyiq edərək açılma riski yarada bilər. Buna görə həkim göstərişinə əsasən seçim etmək vacibdir.

Mədə, Bel və Qarın Yığıcı Korsetlər (Gözəllik Üçün)

Kimə uyğundur: Qarın nahiyəsində sallaqlıq olan, doğuşdan sonra qarın formasını bərpa etmək istəyən, gündəlik geyim altında daha hamar siluet axtaran insanlara

Faydası: Qarın nahiyəsini hamarlayır, geyimin oturuşunu yaxşılaşdırır, duruşu da bir qədər düzəldir.

Nə qədər geyilməli: Gündə 2-4-6 saat həddində. Çox uzun müddət geyildikdə əzələləri zəiflədə bilər.

Ortopedik Korsetlər 

Kimə uyğundur: Bel ağrıları, duruş problemləri, osteoxondroz, radikulit və digər bel-onurğa problemləri olan insanlara

Faydası: Bel əzələlərinə dəstək olur, ağrını azaldır, gündəlik fəaliyyəti rahatlaşdırır, fəqərə yırtığı riskini azaldır.

Korset Düzgün Geyilmədikdə Nə Olur?

Korsetin faydalı olması üçün bir şərt var: doğru növ, doğru ölçü, doğru müddət. Bu üç qaydanı pozanda fayda yerini ziyana verə bilər. Etibar üçün açıq danışaq.

Çox sıx geyildikdə diafraqma sıxılır və tam nəfəs almaq çətinləşir. Tibb elmləri namizədi Sergey Solodnikovun qeyd etdiyi kimi, bu vəziyyət oksigen çatışmazlığına və başgicəllənməyə səbəb ola bilər.

Gündə 6 saatdan çox geyildikdə bel əzələləri “tənbəlləşir”, yəni öz işini korsetə həvalə edir. Korseti çıxardığınız anda bel əvvəlkindən daha zəif olur.

Səhv ölçü seçildikdə qan dövranı pozulur, dəridə qıcıqlanma yaranır və orqanlar lazımsız təzyiqə məruz qalır.

Məhz buna görə Corsetim olaraq biz hər müştəriyə fərdi ölçü məsləhəti təklif edirik. Yanlış seçim heç birimizin faydasına deyil.